Arloopa հայկական ստարտափի հավելվածը Google Play-ում ներբեռնվել է 4․000․000 անգամ: Հատկանշական է, որ բոլոր ներբեռնումներն օրգանիկ են։
Ընկերությունը իր համար նոր նշաձող է սահմանել՝ հատել 5․000․000 օրգանիկ բեռնումերի թիվը։
Arloopa ընկերությունը շուրջ 8 տարի է զբաղվում է լրացված իրականություն և վիրտուալ իրականություն տեխնոլոգիաների վրա հիմնված խաղերի և տեխնոլոգիաների ստեղծմամբ։ Լրացված իրականությունը տեխնոլոգիա է, որը թույլ է տալիս իրականությունը հավելել թվային բովանդակությամբ՝ առանձին հավելվածների և ծրագրերի միջոցով։ Ընկերության ստեղծած պրոդուկտը հասանելի է Google Play և Apple App Store-ում, անվճար է, ինչպես արդեն նշեցինք` ունի 4․000․000 օրգանիկ ներբեռնում։ Ընկերության ստեղծած պրոդուկտի շնորհիվ արվեստի գործերը կարող են կենդանանալ անիմացիոն տարբերակով։ Պրոդուկտը կիրառելի է բազմազան ոլորտներում։
Ընկերությունը տրամադրում է բոլոր գործիքները, որպեսզի իր օգտատերերը կարողանան ինքնուրույն ստեղծել AR փորձառություններ։ Ընկերության նախագծերի ղեկավար Արմինե Ղազարյանը մեզ հետ զրույցի ընթացքում նշեց, որ Arloopa Studio-ի օգտատերերը աշխարհի տարբեր անկյուններից օգտվում են հավելվածից և ստեղծում յուրահատուկ նախագծեր։
Տեխնոլոգիական և բիզնես ոլորտի այլ նորությունների ծանոթացե՛ք՝ միանալով մեր Տելեգրամյան ալիքին։
