Ի՞նչ՝ Linkedin Local Yerevan նեթվորքինգի միջոցառում
Ե՞րբ՝ 6 ապրիլ, 12:00
Որտե՞ղ՝ ALTEZZA by Armenian Helicopters
Ապրիլի 6-ին Հայաստանի գործարար աշխարհի ներկայացուցիչները կարող են կարևոր մասը դառնալ բիզնես-նեթվորքինգը խթանելուն ուղղված Linkedin Local Yerevan միջոցառմանը:
Ի՞նչ է սպասվում
Linkedin Local Yerevan-ն ունի միջազգային ձևաչափ և հաջողել է տարբեր երկրներում, իսկ Հայաստանում երբևԷ իրականացվող առաջին բիզնես նեթվորքինգ իրադարձությունն է, որը միավորելու է բիզնես համայնքին՝ ստեղծելու նոր կապեր և հնարավորություններ։
Միջոցառումը ներառելու է լավագույն փորձի փոխանցմանն ուղղված ելույթներ առաջատար խոսնակների կողմից, ինչպես նաև հարմարավետության գոտուց դուրս՝ արդյունքահեն նեթվորքինգի հատուկ մեթոդաբանությամբ կապերի հաստատման սեսիա:
Միջոցառումը տեղի է ունենալու ALTEZZA by Armenian Helicopters-ում՝ ուղղաթիռների կողքին, որտեղ ընդմիջումներին ներկաները կվայելեն երաժշտություն, կունենան գոլֆի workshop, կմասնակցեն սոմելիեի մաստերքլասին, ականատես կլինեն խոսնակների՝ ուղղաթիռներով ժամանմանը:
Linkedin Local Yerevan-ը ընդգրկելու է 300-ից ավելի բիզնես հիմնադրի, ղեկավարի, թոփ-մենեջերի և առհասարակ, բիզնես ոլորտում կայացած անհատի:
Ովքե՞ր են խոսնակները
- Արմեն Դարբինյան՝ ՀՀ նախկին վարչապետ (1998-1999), Միջազգային Առևտրային Պալատի (ICC) Հայաստանյան Ազգային Կոմիտեի նախագահ:
- Աշոտ Հովհաննիսյան՝ Համաշխարհային ծրագրային ապահովման և խորհրդատվական ընկերության Synergy International Systems ընկերության գործադիր տնօրեն:
- Ռեմ Դարբինյան՝ SMARTCLICK-ի հիմնադիր և ViralMango-ի հիմնադիր ու գործադիր տնօրեն:
- Պյոտր Նեմոյ՝ «Տեատրիկա» թատերական լաբորատորիայի գործադիր տնօրեն
- Արմինե Մկրտչյան՝ CEO/կազմակերպչական տրանսֆորմացիայի քոուչ, MerakiPal կազմակերպություն, Հայաստանի երեխաների առողջության հիմնադրամի հոգաբարձուների խորհրդի անդամ
- Գոռ Կարապետյան՝ Simple Business Academy և Targeting ընկերությունների համահիմնադիր և տնօրեն, «Հաջողության Թաքնված Կողմը» և «Պրոակտիվ առաջնորդը» գրքերի հեղինակ։
- Էմիլ Կրոյան՝ Targeting և Simple Business Academy ընկերությունների համահիմնադիր և տնօրեն:
Տոմսերի նախավաճառքը սկսված է, կարող եք ամրագրել հատուկ գնով` այստեղ:
How2B-ն միջոցառման ինֆորմացիոն գործընկերն է:
Բիզնես և տեխնոլոգիական ոլորտի նորությունները բաց չթողնելու համար միացե՛ք How2B-ի Տելեգրամյան ալիքին: