Եվրոպական վերակառուցման և զարգացման բանկը (EBRD) բացել է հայտերի ընդունումը իր Star Venture ծրаգրի համար: Այս ծրագիրը նոր հնարավորություն է ընձեռում տեխնոլոգիական ոլորտի ստարտափներին՝ նպաստելով նրանց աճին և զարգացմանը:
Star Venture ծրագրի մասին
Star Venture-ը 18 ամիս տևողությամբ անհատականացված ծրագիր է, որը մշակված է ստարտափներին տրամադրելու հատուկ աջակցություն և ռեսուրսներ: Ծրագիրն առաջարկում է՝
- Խորհրդատվություն ոլորտի առաջատար փորձագետներից
- Հասանելիություն ներդրողների ցանցերին
- Միջազգային ցուցահանդեսներին մասնակցելու հնարավորություններ
- Անվճար առցանց ուսուցման և ամպային ծառայությունների տրամադրում
Մասնակցության պայմաններ
Իդեալական թեկնածուն պետք է համապատասխանի հետևյալ չափանիշներին՝
- Ստարտափի տարիքը՝ մինչև 5 տարի
- Տարեկան եկամուտը՝ 1 միլիոն եվրոյից պակաս
- Ուժեղ մրցակցային առավելություն, կրկնվող եկամուտ և գլոբալ զարգացման ներուժ
- Գործունեություն EBRD-ի երկրների տարածքում
- Առնվազն 51% տեղական սեփականություն
- 18 ամիսների ընթացքում ծրագրին մասնակցություն
Դիմելու գործընթաց
Դիմումների ներկայացման վերջնաժամկետը 2024 թվականի հոկտեմբերի 15-ն է: Հետաքրքրված ստարտափները կարող են դիմել առցանց՝ հղումով:
Հայաստանից դիմորդների համար մշակվել է հատուկ ուղեցույց, որը հասանելի է այստեղ:
Այս ծրագիրը եզակի հնարավորություն է տեխնոլոգիական ոլորտի ստարտափների համար՝ ստանալու մասնագիտական աջակցություն, ընդլայնելու իրենց ցանցը և արագացնելու բիզնեսի աճը:
Բիզնես և տեխնոլոգիական ոլորտի այլ հնարավորություններ գտե՛ք այստեղ։
