Apple-ը 2024 թվականին Gemini արհեստական բանականության մոդելը iPhone-ում ինտեգրելու նպատակով բանակցություններ է վարում Google-ի հետ։
Apple-ը նախատեսում է Gemini-ին լիցենզավորել՝ iOS-ում AI-ի միջոցով տեքստեր և պատկերների գեներացման նպատակով։
Apple-ը նաև OpenAI-ի հետ է քննարկել է GPT մոդելի օգտագործման հնարավորությունը։
Պետք է նշել, որ Apple-ը 2023-ին սկսել է մշակել իր սեփական գեներատիվ մոդելը՝ «Ajax» անունով։ Դրա հիման վրա ինժեներները ստեղծել են չատբոտ, որն ի վիճակի է ամփոփել տեքստը և պատասխանել հարցերին, որոնք վերաբերում են այն տվյալներին, որոնց վրա մոդելը վերապատրաստվել է:
Իսկ 2024 թվականի փետրվարին Apple-ի գործադիր տնօրեն Թիմ Քուկն ասել էր, որ ընկերությունը կբացահայտի իր գեներատիվ AI-ն այս տարվա վերջին: Այնուամենայնիվ, Google-ի հետ բանակցությունները կարող են ցույց տալ, որ Apple-ը ցանկալի առաջընթաց չի գրանցել այս ուղղությամբ և որոշել է շարունակել ընթացքը այլ ճանապարհով։
Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար:
