Մայիսի 2-ից Air Baltic ավիաընկերությունը կմեկնարկի Երևան-Ռիգա-Երևան ուղիղ չվերթները։
Այս ուղղության կարևորությունը զբոսաշրջության զարգացման և երկկողմ հարաբերությունների ամրապնդման համար շեշտվել է Զբոսաշրջության կոմիտեի նախագահ Լուսինե Գևորգյանի և Լատվիայի դեսպան Էդիտե Մեդնեի հանդիպման ժամանակ։
Կողմերը նշել են, որ ուղիղ օդային կապը էական նշանակություն կունենա զբոսաշրջային այցելությունների աճի և միջմշակութային հաղորդակցության ապահովման համար։ Հանդիպման ընթացքում քննարկվել են նաև չվերթների մեկնարկին ընդառաջ իրականացվելիք համատեղ միջոցառումներն ու համագործակցության հեռանկարները։
Երևանից իրականացվող բոլոր ուղիղ չվերթների ցանկին կարող եք ծանոթանալ այստեղ։
