Plug and Play — Incubation Program
Մեկնարկում է ՀՀ բարձր տեխնոլոգիական արդյունաբերության նախարարության և միջազգային հեղինակավոր «Plug and Play» ընկերության հետ համագործակցությամբ իրականացվող «Ինկուբացիոն ծրագիրը»:
Մասնակցության համար ստացվել է 109 հայտ, որից մասնագիտական ժյուրին կընտրի մինչև 20 ստարտափի:
Ծրագիրը կանցկացվի առկա ձևաչափով՝ շաբաթական երեք օր և կտևի չորս ամիս։
Առաջիկա ամիսների ընթացքում մասնակից ընկերությունները կստանան խորհրդատվություն, բիզնեսի և կարողությունների զարգացման աջակցություն, գործարար կապեր հաստատելու հնարավորություն, ինչպես նաև նորարարության խթանում և անհատական մենթորություն:
Ծրագրի ընթացքում Հայաստան են ժամանելու տարբեր երկրների բարձր որակավորում ունեցող 40-ից ավելի մասնագետներ, ովքեր անհատապես աշխատելու են մասնակիցների հետ:
Ծրագրի պաշտոնական բացման արարողությունը տեղի կունենա հոկտեմբերի 17-ին` ժամը 17:00-ից սկսած՝ Ինժեներական քաղաքի բիզնես աքսելերատորի շենքի դահլիճում:
Միջոցառմանը մասնակցելու համար անհրաժեշտ է նախապես գրանցվել՝ անցնելով հղումով:
