Համաշխարհային բանկը 2025 թվականի համար վերանայել է իր կանխատեսումը գլոբալ տնտեսական աճի վերաբերյալ՝ այն նվազեցնելով մինչև 2.3%։ Այս մասին նշվում է կազմակերպության Global Economic Prospects զեկույցում։ Նախորդ տարվա՝ 2024-ի իրական աճը կազմել էր 2.8%։
Բանկը որպես հիմնական պատճառ մատնանշում է աշխարհում աճող առևտրային սահմանափակումները և մաքսային տուրքերը։ Միևնույն ժամանակ, ԱՄՆ տնտեսության աճի կանխատեսումն իջեցվել է՝ 2.3%-ից մինչև 1.4%։
Թեև զեկույցում ԱՄՆ նախագահ Դոնալդ Թրամփի անունը չի նշվում, վերլուծաբանների կարծիքով՝ կանխատեսման փոփոխությունը պայմանավորված է նրա վարած մաքսային քաղաքականությամբ, որը ներառում է մինչև 10% ներմուծման տուրքերի սահմանում բազմաթիվ երկրների նկատմամբ։ Այս քաղաքականությունն առաջացրել է գնաճ ԱՄՆ-ում և խթանում է պատասխան քայլեր առևտրային գործընկերների կողմից։
