Համաշխարհային ու տեղական աշխատաշուկայում վաղուց փոխվել են աշխատողներից պահանջվող հմտությունների ցանկերը։ Վերջին միտումները ցույց են տալիս, որ մասնագիտական գիտելիքներից բացի, աշխատողներից ակնկալվում են նաև զարգացած սոցիալական և անձնային որակներ:
Ըստ Staff.am-ի հետազոտության՝ «Ժամանակի կառավարում» հմտությունը Հայաստանում շարունակում է մնալ առաջնային պահանջ գործատուների շրջանում: Նշանակալի առաջընթաց է գրանցել «Բանակցությունների հմտություններ» ցուցանիշը՝ գերազանցելով նախկինում առաջատար դիրքեր զբաղեցնող «Թիմում աշխատելու ունակություն» և «Խնդիրների լուծում» հմտություններին:
Հայաստանյան ՏՏ ընկերությունների կողմից առանձնահատուկ կարևորություն է տրվում ժամանակի արդյունավետ կառավարման հմտությանը: Ոլորտի առանձնահատկություններից ելնելով՝ բարձր են գնահատվում նաև՝
- Թիմային աշխատանքի կարողությունը
- Ուշադրության կենտրոնացումը
- Խնդիրների լուծման հմտությունը
- Վերլուծական մտածողությունը
Ֆինանսական ոլորտում 2024 թվականին նկատվել են էական փոփոխություններ: Ի տարբերություն նախորդ տարվա, ծրագրավորման լեզուների իմացությունը դուրս է մնացել առաջնային պահանջների ցանկից՝ պայմանավորված ոլորտում ծրագրավորողների թափուր հաստիքների կրճատմամբ:
Առանձնակի ուշադրություն է դարձվում հետևյալ ծրագրերի իմացությանը՝
- MS Excel-ի խորացված իմացություն
- ArmSoft համակարգի տիրապետում
- LSoft ծրագրային ապահովման իմացություն
Կարդացեք նաև՝
