2025 թվականի հունվարի 1-ից Android KitKat-ով և Android պլատֆորմի ավելի վաղ տարբերակներով աշխատող սմարթֆոններն այլևս չեն աջակցի WhatsApp ակնթարթային հաղորդագրությունների ծառայությունը։ Ինչպես հաղորդվում է, Meta-n, որին պատկանում է WhatsApp-ը, դադարեցնում է այս հին սարքերի աջակցությունը, քանի որ հավելվածի զարգացող գործառույթները, ներառյալ AI-ի առանձնահատկությունները, պահանջում են ավելի առաջադեմ սարքավորումներ։
Սմարթֆոնների հայտնի մոդելների ցանկը, որոնց վրա կազդի մեսենջերի աջակցության առաջիկա ավարտը, ներառում է.
- Samsung-ից՝ Galaxy S3, Galaxy Note 2, Galaxy Ace 3, Galaxy S4 Mini;
- Motorola-ից՝ Moto G (1st Gen), Razr HD, Moto E 2014;
- HTC-ից՝ One X, One X+, Desire 500, Desire 601;
- LG-ից՝ Optimus G, Nexus 4, G2 Mini, L90;
- Sony-ից՝ Xperia Z, Xperia SP, Xperia T, Xperia V.
Այս սմարթֆոններից օգտվողներին խորհուրդ է տրվում պահպանել WhatsApp-ի իրենց տվյալների կրկնօրինակները նոր սարքում, քանի որ 2025 թվականի հունվարի 1-ից հետո մեդիա ֆայլերը և չաթի պատմությունը կջնջվեն մեսենջերից:
«Ամեն տարի մենք հայտնաբերում ենք ամենահնացած սարքերն ու ծրագրային ապահովումը, որոնք ունեն ամենաքիչ օգտվողները: Այս սարքերը, ի թիվս այլ բաների, կարող են չունենալ անվտանգության վերջին թարմացումները կամ գործառույթները, որոնք անհրաժեշտ են WhatsApp-ի աշխատանքի համար»,- զգուշացնում է մեսենջերի մշակման թիմը։
Ավելի վաղ Meta-ն հայտարարել էր 2025 թվականի մայիսի 5-ից WhatsApp-ի աջակցության ավարտի մասին iPhone սմարթֆոնների համար, որոնց օպերացիոն համակարգի տարբերակները մինչև iOS 15.1 են:
