Գեներատիվ արհեստական բանականության հիման վրա աշխատող ChatGPT ծրագիրը բժշկական խորհրդատվությունների հարցում գերազանցել է բժիշկների մեծամասնությանը: Այս մասին ասում են Սան Դիեգոյի համալսարանի ամերիկացի գիտնականները, ում հետազոտությունը հրապարակվել է JAMA Internal Medicine գիտական ամսագրում։
Փորձի ընթացքում փորձագետները վերլուծել են ChatGPT-ի պատասխանները առողջապահական հարցերին, որոնք տեղադրվել են հանրահայտ ինտերնետային ֆորումներից մեկում: Բժիշկներն ու առողջապահական փորձագետները նեյրոնային ցանցի հրապարակումները համեմատել են նույն թեմաների վերաբերյալ բժշկական կարծիքների հետ:
Վերցվել է բժիշկների և հիվանդների 195 նամակագրության պատահական ընտրանք։ Պարզվել է, որ 79% դեպքերում ChatGPT-ն ավելի ճշգրիտ պատասխաններ է տվել մասնագետների համեմատ։ Փորձագետները անբավարար են որակել նաև բժիշկների պատասխանների 27%-ը։
Հետազոտության հեղինակների կարծիքով, առողջապահությունն այն ոլորտներից է, որտեղ լավ AI համակարգերը կարող են օգտակար լինել: Նման տեխնոլոգիաների կիրառումը կօգնի որոշ չափով թեթևացնել բժիշկների բեռը։
Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար:
