Տնտեսական ակտիվության ցուցանիշը 2024-ի մարտ ամսին նախորդ տարվա նույն ժամանակահատվածի նկատմամբ աճել է 15,3%-ով, տեղեկանում ենք ՀՀ վիճակագրական կոմիտեի հրապարակած տվյալներից։
Արդյունաբերական արտադրանքի ծավալը նախորդ տարվա նույն ժամանակաշրջանի համեմատ աճել է 33,5%-ով, ներքին առևտրի շրջանառությունը՝ 30,4%-ով, շինարարության ծավալը՝ 13,1%-ով, ծառայությունների ծավալը՝ 4,7%, էլեկտրաէներգիայի արտադրությունը՝ 6,5%։
Սպառողական գների ինդեքսը նվազել է՝ 1,2%-ով, իսկ արդյունաբերական գների ինդեքսն անփոփոխ է մնացել։
Արտաքին առևտրաշրջանառությունը ևս կտրուկ աճել է (2,1 անգամ նախորդ տարվա մարտի նկատմամբ)։ Մասնավորապես 2024-ի մարտին արտահանումը նախորդ տարվա նույն ժամանակաշրջանի համեմատ աճել է 3 անգամ, ներմուծումը՝ 56,2%-ով։ Մարտ ամսվա ընթացքում գրանցվել է արտաքին առևտրաշրջանառության դրական տարբերություն՝ 49,2 մլրդ ՀՀ դրամ (ի հաշիվ արտահանման)։
2024 թվականի հունվար-մարտ ամիսների տվյալներով փոփոխությունը նախորդ տարվա նույն ժամանակաշրջանի համեմատ կազմել է՝
- Տնտեսական ակտիվության ցուցանիշ՝ 14,3% աճ
- Արդյունաբերական արտադրանքի ծավալ՝ 30,4% աճ
- Գյուղատնտեսության արտադրանքի ծավալ՝ 3,7% աճ
- Շինարարության ծավալ՝ 11,7% աճ
- Ներքին առևտրի շրջանառությունը՝ 26,5% աճ
- Ծառայությունների ծավալը՝ 5% աճ
- Սպառողական գներ՝ 1,2% նվազում
- Արդյունաբերական գներ՝ 0,3% նվազում
- Էլեկտրաէներգիայի արտադրություն՝ 1,4% նվազում
- Արտաքին առևտրաշրջանառություն՝ 2,1 անգամ աճ-
- Արտահանում՝ 2,7 անգամ աճ
- Ներմուծում՝ 75,8% աճ
Կարդացեք նաև՝
- Աճը շարունակվում է, բայց ավելի զուսպ. ՀՀ բանկերի ցուցանիշները 2024թ. առաջին եռամսյակում
- Տնտեսական ակտիվության ցուցանիշը 2024-ի փետրվարին աճել է 16,3%-ով
Բիզնես և տեխնոլոգիական ոլորտի նորությունները բաց չթողնելու համար միացե՛ք How2B-ի Տելեգրամյան ալիքին։
