Դաշնային ավիացիոն վարչությունը (FAA) հայտարարել է, որ SpaceX-ին արտոնագիր է տրվել Starship-ը Super Heavy ուժեղացուցիչով փորձարկելու համար։ Գործարկման երկժամյա պատուհանը կբացվի ուրբաթ՝ նոյեմբերի 17-ին, տեղական ժամանակով ժամը 08:00-ին (Երևանի ժամանակով 17:00-ին):
Ինչպես հաղորդում է FAA-ը X հարթակում, SpaceX-ը բավարարել է անվտանգության, բնապահպանական, ապահովագրական և ֆինանսական պատասխանատվության բոլոր պահանջները: Գործարկման լիցենզիա ստանալու վերջին խոչընդոտը բնապահպանական մարմինների թույլտվությունն էր, թեև վերագործարկման ամսաթիվը հաստատվել էր մինչև նրանց համաձայնությունը ստանալը:
Բացի այդ արձակման ժամանակ հրթիռը վնասել է մեկնարկային հարթակը, որի բեկորները, իրենց հերթին, ցրվել էին հսկայական տարածքով և հանգեցրել են տիեզերակայանի և մոտակա գյուղի որոշ մասնավոր գույքի վնասմանը: Հաղորդվում է, որ վնասվել է առնվազն մեկ անձնական մեքենա: Ավերածությունների մասշտաբները ստիպել էին FAA-ին տասնյակ պահանջներ ներկայացնել ընկերությանը, առանց որոնց ոչ մի դեպքում չէր կարող վերագործարկման լիցենզիա տրվել:
Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար:
