Արմավիրի մարզի Հացիկ գյուղը շուտով COAF սմարթ ավան կունենա։
Դեռ մայիս ամսին Children of Armenia Fund-ի ժյուրին COAF SMART Campus Armavir միջազգային ճարտարապետական մրցույթի 74 մասնակիցներից ընտրել էր 9 ֆինալիստների, որոնք ներկայացնում են տարբեր երկրների ճարտարապետական ստուդիաներ։
Այս պահին ժյուրին առանձնացրել է 5 նախագծեր, որոնցից մեկը կսկսի կյանքի կոչվել արդեն այս տարվա վերջում և մի քանի տարուց Արմավիրի մարզը կունենա SMART կենտրոն, որը մարզի երեխաներին հնարավորություն կտա բարձր մակարդակի կրթություն և հմտություններ ձեռք բերել։
ՔՈԱՖ ՍՄԱՐԹ կենտրոնը ոչ ֆորմալ կրթական հաստատություն է, ուր կիրառվում է անհատի համապարփակ զարգացմանը նպաստող կրթակարգ։ Այս պահին ուսանողներն ուսումնասիրում են ճարտարագիտություն, աթլետիկա, արվեստներ, երաժշտություն, լեզուներ, ձեռներեցություն:
Տեխնոլոգիական և բիզնես ոլորտի նորությունները՝ մեր Ֆեյսբուքյան էջում։
