Աշխատանքի և սոցիալական հարցերի նախարարությունը հանրային քննարկման է դրել օրական աշխատաժամանակը 8-ից 7 ժամ դարձնելու նախագիծը։ Նախագծով առաջարկվում է աշխատաժամանակի կրճատման ժամանակ պահպանել աշխատակիցների աշխատավարձերը նույն չափով:
Նախագծի հիմնավորման մեջ նշվում է, որ տեխնոլոգիական զարգացումների և ավտոմատացման շնորհիվ բազմաթիվ գործընթացներ պարզեցվել են։ Սա հնարավորություն է տալիս տարբեր երկրներում ներդնել ավելի ճկուն աշխատանքային ռեժիմ՝ կրճատելով աշխատաժամանակը։
«Աշխատանքային ժամերի կրճատումը կարող է բարձրացնել արտադրողականությունը՝ աշխատողների ավելի արդյունավետ աշխատանքի միջոցով», ասվում է նախագծի հիմնավորման մեջ։
Աշխատաժամանակի նման փոփոխություններ տարբեր երկրներում արդեն ապացուցել են իրենց արդյունավետությունը՝ նպաստելով աշխատողների բարեկեցությանը և աշխատանքի արդյունավետության բարձրացմանը։
Առաջարկի վերաբերյալ կարծիքներ կարելի է հայտնել մինչև քննարկման վերջնաժամկետը։
Կարդացե՛ք նաև՝
