Գերմանիայում կատարված ուսումնասիրությունը (հրապարակված Frontiers in Psychiatry ամսագրում) ցույց է տվել, որ տեսախաղերը արդյունավետ գործիք են դեպրեսիայի դեմ պայքարում։
Վեցշաբաթյա փորձի համար 46 հոգի մեծ դեպրեսիվ խանգարումով (նաև հայտնի է որպես կլինիկական դեպրեսիա) ընտրվել և բաժանվել են երեք խմբի։
- Առաջին խմբի մասնակիցները (16 հոգի) նախընտրել են բուժման ավանդական մեթոդները (դեղորայք, հոգեթերապիա)։
- Երկրորդի ներկայացուցիչները (16 հոգի) դիմել են ճանաչողական ուսուցման հատուկ համակարգչային ծրագրին՝ CogPack։
- Երրորդ խմբի անդամները (14 հոգի) պարբերաբար խաղացել են 3D արկածային Super Mario Odyssey-ն Nintendo Switch-ում:
Հետազոտության սկզբում և վերջում մասնակիցներն անցել են դեպրեսիվ ախտանիշների (Beck Depression Inventory), ճանաչողական մարզմանը մասնակցելու մոտիվացիայի և տեսողական կարճաժամկետ հիշողության (Wechsler Memory Inventory) գնահատումները:
Հետազոտության արդյունքների համաձայն՝ նրանք, ովքեր խաղացել են Super Mario Odyssey, ցույց են տվել դեպրեսիայի ախտանիշների գրեթե կրկնակի նվազում, մինչդեռ մյուս երկու խմբերում բարելավումները այնքան էլ նշանակալի չեն եղել:
Երրորդ խմբի մասնակիցները նույնպես ցուցաբերեցել են աճող մոտիվացիա, մինչդեռ տեսողական-տարածական հիշողության միավորների ամենամեծ բարելավումը տեղի է ունեցել CogPack-ի օգտագործողների կողմից:
Հետազոտության հեղինակները՝ Մորից Բերգմանի գլխավորությամբ, նշել են, որ փորձի արդյունքների վրա կարող էին ազդել ընտրանքի փոքր չափը և թեստի նպատակի վերաբերյալ մասնակիցների իրազեկությունը:
Չնայած խառը արդյունքներին, հետազոտողները եզրակացրել են, որ երբ զուգակցվում են ավանդական մեթոդների հետ, տեսախաղերը կարող են լինել ծախսարդյունավետ և արդյունավետ միջոց կլինիկական դեպրեսիայի բուժման համար:
Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար:
