Youtube հարթակում ավելացել է «Go Live Together» գործառույթը, որը թույլ է տալիս միանգամից երկու օգտատերերի համատեղ ուղիղ հեռարձակում սկսել:
Այս գործառույթի մասին հայտարարվել էր դեռ նախորդ տարվա նոյեմբերին, ու հիմա այն արդեն հասանելի է, բայց միայն iOS և Android համակարգերում: Youtube-ը ներկայումս աշխատում է նաև վեբ տարբերակում գործառույթը ակտիվացնելու ուղղությամբ:
Ուղիղ հեռարձակում սկսելու համար բավարար է ունենալ 50 հետևորդ և հրավիրել ցանկացած այլ օգտատիրոջ: Սակայն, միաժամանակ երկուսից ավելի օգտատեր չեն կարող միանալ հեռարձակմանը: Գործառույթը պարունակում է նաև մոնետիզացման հնարավորություններ:
Առայժմ գործառույթը հասանելի է սահմանափակ թվով օգտվողների համար, առաջիկայում կակտիվանա բոլորի մոտ:
Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար: