Իլոն Մասկի գլխավորած xAI արհեստական բանականության մշակմամբ զբաղվող ընկերությունը պաշտոնապես հայտարարել է իր խոշոր լեզվական մոդելի (LLM) Grok-1-ի կոդի բացումը։ Այս որոշումը նշանակալի քայլ է արհեստական ինտելեկտի թափանցիկության և հասանելիության բարձրացման ուղղությամբ։
«Մենք ուրախ ենք ներկայացնելու Grok-1-ի՝ մեր ժամանակակից լեզվական մոդելի հիմնական կշիռներն ու ճարտարապետությունը», -ասվում է xAI-ի պաշտոնական կայքում:
Grok-1-ը «փորձագետների խառնուրդ» (Mixture of Experts — MoE) մոդել է՝ 314 միլիարդ պարամետր պարունակող ճարտարապետությամբ, որն ամբողջությամբ մշակվել է xAI թիմի կողմից:
Grok-ը չաթբոտ է, որն աշխատում է xAI-ի սեփական AI տեխնոլոգիայով: Այն մարզելու համար օգտագործվել են X (Twitter) սոցիալական ցանցի տվյալները։ Grok-ը տեղեկատվություն է ստանում իրական ժամանակում, ինչը, ըստ մշակողների, կլինի նրա գլխավոր առավելությունը։ Մշակողները նաև զգուշացնում են, որ Գրոկը կկարողանա սրամիտ կատակներ անել և ցույց տալ «ըմբոստ հակումներ»։ Վերջապես, նեյրոնային ցանցը կարողանում է պատասխանել այն հարցերին, որոնք մրցակիցների չաթ-բոտերը սովորաբար անտեսում են գրաքննության պատճառով:
xAI-ի Grok AI չաթբոտի կոդի բացումը նշանավորում է AI-ի ոլորտի զարգացման նոր փուլ՝ ընդգծելով առաջադեմ տեխնոլոգիաների բաց լինելու և հասանելիության կարևորությունը ողջ մարդկության համար:
Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար:
