Microsoft-ն ավարտել է «Տեքստի սկանավորում» (անգլ․ Text Scanner) ֆունկցիայի փորձարկումը` նկարներից: Այն այժմ հասանելի է Windows 10-ի և 11-ի բոլոր օգտատերերին, հայտնում է Latest-ը։
«Կապ հեռախոսի հետ» hավելվածում (անգլ․ Phone Link) պատկերներ դիտելիս օգտատերը պետք է ընտրի «Տեքստ» տարբերակը, որպեսզի այն կարողանա ճանաչել լուսանկարում: Այս գործառույթը կարող է գործարկվել նաև Ctrl + T ստեղնաշարի օգնությամբ: Առայժմ այն աշխատում է միայն անգլերենով:
Տեքստի ճանաչման գործառույթում կա նաև «Մկրատ» գործիքը․ծրագիրը սկսում է աշխատել, երբ համակարգչին միացված սմարթֆոնով սքրինշոթ է արվում, և այնուհետև այն պետք է խմբագրվի: «Տեքստի սկանավորում» հավելվածը թույլ է տալիս անմիջապես կարդալ տեքստը, երբ ձեր համակարգչի և հեռախոսի սարքի միջև կապ է հաստատվում:
Ամենահետաքրքիր հոդվածներն ու նորությունները բաց չթողնելու համար՝ միացե՛ք How2B-ի Տելեգրամյան ալիքին:
