Բուենոս Այրեսի կրթության նախարարության հետ արդյունավետ համագործակցության շնորհիվ Հարավային Ամերիկայի առաջին Թումո կենտրոնը կբացվի 2025 թվականի հունիսին՝ Centro Metropolitano de Diseño նորարարական կենտրոնում: Այս մասին տեղեկանում ենք կենտրոնի տարածած հայտարարությունից:
Կենտրոնը հնարավորություն կտա մոտ 3000 պատանիների նավարկել Թումոեզերքում՝ ուսումնասիրելով անիմացիա, խաղերի ստեղծում, ռոբոտաշինություն, երաժշտություն, ֆիլմերի ստեղծում, գրաֆիկական դիզայն, 3D մոդելավորում և ծրագրավորում:
Նախատեսվում է ընդլայնել համագործակցությունը և քաղաքում ևս երկու Թումո կենտրոն հիմնել:
Հիշեցնենք, որ Թումո կենտրոններ գործում են Փարիզում, Լիոնում, Բեռլինում, Մանհեյմում, Կոիմբրայում, Կիևում, Տիրանայում և Բեյրութում։ Ճապոնիայում առաջին Թումոն իր դռները կբացի հաջորդ ամռանը, իսկ կենտրոնի աշխարհագրությունը շարունակաբար ընդլայնվում է։
Արգենտինան շուտով կունենա իր Թումոն
