Սեպտեմբերի 14-ից Հայաստանում կանցկացվի լազերթագ սպորտաձևի IT Cup առաջնությունը։ Այն նպատակ ունի շփման միջավայր ձևավորել տարբեր ՏՏ ընկերությունների աշխատակիցների միջև, ինչպես նաև ամրապնդել տվյալ ընկերությունների աշխատակիցների թիմային ոգին։
Առաջնությունն իրականացնելու է LaserWar Armenia-ն, այն իրենից ներկայացնելու է ռազմատակտիկական խաղ-մրցաշար։ ՏՏ ընկերությունները կմրցեն լավագույն ռազմավարական թիմի կոչման համար։
Հարկավոր է կազմել թիմեր և մասնակցել մրցաշարին։ Նշենք, որ մրցաշարին առանձին թիմերով կմասնակցեն ՏՏ, Web3 և ֆինտեխ համայնքի ներկայացուցիչները:
Մրցաշարի հաղթող թիմերը կստանան դրամական պարգևներ, լավագույն խաղացողները՝ նվերներ։ Իսկ բոլոր մասնակիցները ամեն խաղից հետո կստանան իրենց խաղային արդյունքների անհատական վիճակագրությունը՝ ստուգելու ու հետագայում զարգացնելու ռազմավարական գիտելիքները։
«Ուրախ ենք իրականացնել լազերթագ սպորտաձևի IT Cup առաջնությունը։ Սա պարզապես ռազմատակտիկական խաղ- մրցաշար չէ․ այն կոփում է թիմային ոգին, ստիպում մտածել սահմաններից դուրս և միավորում է մեր տեխնոլոգիական համայնքի փայլուն մտքերը մի միջավայրում, որը խթանում է համագործակցությունը, նորարարությունը և, ամենակարևորը, զվարճանքը: Մենք անհամբեր սպասում ենք, թե ինչպես են թիմերը ստեղծելու ռազմավարություն և մրցելու այս դինամիկ միջավայրում։ Եվ, ինչու ոչ, սա նաև նեթվորքինգի փայլուն հարթակ է․ ՏՏ, Web3 և ֆինտեխ համայնքի ներկայացուցիչները առաջնության շրջանակում կհաստատեն յուրահատուկ կապեր ու կքննարկեն ոլորտային խնդիրներ ու հարցեր», — նշում են միջոցառման նախաձեռնողները։
Նշենք, որ լազերթագ սպորտաձևի IT Cup առաջնությունն անցկացվում է արդեն չորրորդ անգամ։
Կարդացե՛ք նաև.
- ՀՀ ԲՏԱ նախարարը ՏՏ ոլորտի նոր օրենքից մանրամասներ է ներկայացրել
- Ինչու՞ է Հայաստանը մնում հմայիչ տեխնոլոգիական ոլորտի մասնագետների և ռելոկանտների համար․ Forbes-ի անդրադարձը
Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար:
