Հայաստանում տնտեսվարող սուբյեկտների 77%-ն իր աշխատակիցներին ինտերնետ հասանելիություն է ապահովում գործնական նպատակներով։ Այս մասին ասված է Հայաստանի ազգային վիճակագրական կոմիտեի «Տնտեսվարող սուբյեկտների կողմից տեղեկատվական և հեռահաղորդակցական տեխնոլոգիաների (ՏՀՏ) օգտագործման և էլեկտրոնային առևտրի վերաբերյալ» ուսումնասիրության մեջ։
Ըստ հետազոտության արդյունքների աշխատակիցներին գործնական նպատակներով ինտերնետ հասանելիության տրամադրման ամենաբարձր ցուցանիշը՝ 92%, արձանագրվել է «Տեղեկատվություն և կապ» ոլորտում, իսկ ամենացածրը՝ « Ջրամատակարարում, կոյուղի, թափոնների կառավարում և վերամշակում» ոլորտում՝ 46%:
Գործնական նպատակներով շարժական ինտերնետ կապին միանալու համար տնտեսվարող սուբյեկտների միայն 28%-ն է դյուրակիր սարքեր տրամադրել իր աշխատակիցներին։
Հետազոտությանն ավելի մանրամասն կարող եք ծանոթանալ այստեղ։
Տեխնոլոգիական և բիզնես ոլորտի այլ նորությունների ծանոթացե՛ք՝ միանալով մեր Տելեգրամյան ալիքին։