ՏՄՊՊՀ-ի նախկին նախագահ Գեղամ Գևորգյանը խորհրդարանում ներկայացրել է հանձնաժողովի 2019-2023 թթ գործունեության հաշվետվությունը՝ կրկին առաջադրելով իր թեկնածությունը։
Ելույթում մասնավորապես նշվում է, որ 2019-ից նոր գործողություններ են մշակվել, որի համաձայն յուրաքանչյուր տարում ուսումնասիրվում է 5 խոշոր ապրանքային շուկաներ՝ առկա խնդիրների բացահայտման համար։
Մասնավորապես, ուսումնասիրություն է իրականացվել օրթեզների և պրոթեզների շուկայում՝ աշխատանքի և սոցիալական հարցերի նախարարության պատվերով, որի արդյունքում մշակվում է էլեկտրոնային պլատֆորմ, որտեղ ներկայացված են լինելու տնտեսվարողների և պետության կողմից առաջարկվող գները նշված ապրանքների համար։
Ազգային ժողովի պատվերով այս տարվա ընթացքում ուսումնասիրվելու է էլեկտրական մեքենաների լիցքավորման ծառայությունների շուկան ևս։
Ելույթում ներկայացվեցին նաև ոլորտներ, որոնք արդեն իսկ ենթարկվել են փոփոխությունների՝
- օրինակ՝ բենզինի շուկայում ավելացել են 2 նոր տնտեսվարողներ, որի արդյունքում 1-ին խոշոր մասնակցի շուկայական մասնաբաժինը նվազել է 10%-ով
- արևածաղկի և ձեթի շուկայում տնտեսվարողների թիվն ավելացել է 50%-ով, փոփոխվել է հիմնական խոշոր ներմուծողների կազմը։
- կարագի շուկայում, ՏՄՊՀ գործողությունների արդյունքում, 1-ին խոշոր տնտեսվարողի շուկայի մասնաբաժինը նվազել է 5%-ով
- դիզելային վառելիքի շուկայի մասնակիցների թիվն աճել է 15%-ով
Գևորգյանը նշում է նաև, որ Ազգային ժողովին է ներկայացվելու «Սպառողների պաշտպանության կենտրոնական մարմնի» վերաբերյալ ծրագիրը՝ ինստիտուցիոնալ կառույցի ստեղծման գործընթացն ավարտին հասցնելու համար։
Կարդացեք նաև՝
- ՀՀ կառավարությունն ընդունել է Viva-MTS-ի 20% բաժնեմասերի նվիրատվությունը
- Ի՞նչ փոփոխություններ սպասել անշարժ գույքի շուկայում
Բիզնես և տեխնոլոգիական ոլորտի նորությունները բաց չթողնելու համար միացե՛ք How2B-ի Տելեգրամյան ալիքին։
