Տեխնոլոգիական ոլորտի ամենասպասված միջոցառումներից մեկը՝ Tech Week-ը, այս տարի կանցկացվի Վանաձորում՝ հուլիսի 4-6-ը։ Երեք օր շարունակ քաղաքը կդառնա տեխնոլոգիական, բիզնես և կրթական հարթակ՝ համախմբելով ոլորտի առաջատարներին, սկսնակ մասնագետներին, ուսանողներին և տեխնոլոգիաներով հետաքրքրված հանրությանը։
Tech Week Vanadzor-ի ծրագրում ներառված են հաքաթոն, գաղափարների մրցույթ, ոլորտային քննարկումներ, մոտիվացիոն ելույթներ, աշխատարաններ և կրթական ցուցահանդես։ Ընդհանուր առմամբ միջոցառման շրջանակում ներգրավված են 70-ից ավելի թիմեր՝ ավելի քան 200 մասնակիցներով։
Tech Week-ը նախատեսում է դառնալ պտտվող հարթակ, որի հաջորդ հանգրվանը որոշվելու է միջոցառման ավարտին։ Մանրամասներին ծանոթացեք How2B-ի ռեպորտաժում։
