Հայաստանի ամերիկյան համալսարանի Ձեռներեցության և նորարական տեխնոլոգիաների կենտրոնը (AUA EPIC) հայտարարել է STRIVE նախաինկուբացիոն ծրագրի մեկնարկի մասին:
Այս 10-շաբաթյա ծրագիրը, որը առաջինն է իր տեսակի մեջ Հայաստանում, բաց է բոլոր հետաքրքրված անհատների համար՝ անկախ նրանց աշխատանքային փորձից կամ բիզնես գաղափարի առկայությունից։
Ծրագիրը հնարավորություն կտա.
- Ներգրավվելու ինտերակտիվ դասախոսությունների, հանդիպումների և սեմինարների մեջ
- Խորը գիտելիքներ ստանալու ձեռներեցության և նորարարության հիմնարար հասկացությունների մասին
- Ամուր ցանց կառուցելու համախոհ ձեռնարկատերերի և ոլորտի առաջատարների հետ
STRIVE-ը ստեղծվել է Ice House Entrepreneurship ծրագրի հիման վրա՝ ներգրավելով փորձառական, խնդիրների վրա հիմնված մեթոդաբանություն։ Ծրագիրը հնարավորություն է տալիս մասնակիցներին կիրառել ստացած գիտելիքները իրական աշխարհում՝ սահմանափակ ռեսուրսների պայմաններում։ Ծրագրի միջոցով նրանք ձեռք են բերում ձեռներեցության համար անհրաժեշտ վարքագծեր և հմտություններ։
Ծրագրին դիմել հնարավոր է մինչև մարտի 14-ը՝ այստեղ։
Դիմել կարող են անգլերենի առնվազն միջին մակարդակի իմացությամբ 20-35 տարեկան անհատներ։
