SpaceX-ի ղեկավար Իլոն Մասկը հայտարարել է, որ Starlink համացանցային արբանյակային ծառայությունը սկսել է գործել Երկրի բոլոր մայրցամաքներում, ներառյալ Անտարկտիդայում:
Այս մասին Մասկը հայտարարել է իր թվիթերյան էջում: Դա տեղի է ունեցել սեպտեմբերի 18-ին ևս 54 արբանյակ ուղեծիր ուղարկելուց հետո: Այս պահին, տիեզերքում գտնվող արբանյակների թիվը հատել է 3000-ի սահմանը:
- Advertisement -
Starlink-ը մտադիր է համացանցի հասանելիություն ապահովել երկրագնդի ցանկացած կետից՝ 5G ստանդարտին համապատասխան 1 գբ/վ արագությամբ:
Ըստ ծառայության կայքի տեղեկատվության՝ 2023 թվականից ծառայությունը հասանելի է լինելու նաև Հայաստանում: Ավելի շատ տեղեկատվություն Starlink-ի մասին՝ How2B-ի տեսանյութում:
Տեխնոլոգիական և բիզնես ոլորտի այլ նորությունների ծանոթացե՛ք՝ միանալով մեր Տելեգրամյան ալիքին։
