Հայ հիմնադիրներ ունեցող Scylla ստարտափը, որն առաջարկում է իրական ժամանակում ֆիզիկական սպառնալիքների հայտնաբերման լուծումներ, հայտարարել է Hanwha Techwin (հիմնադրվել է որպես Samsung Techwin) գլոբալ լուծումների առաջատար մատակարարի հետ համագործակցության մասին, որպեսզի ապահովի տեսահսկման խելացի լուծումներ ամբողջ աշխարհի անվտանգության մասնագետներին:
«Hawha Techwin-ը լուծումների առաջատար համաշխարհային մատակարար է, որն ունի արագորեն ընդլայնվող շուկա: Scylla-ում մենք պարտավորվում ենք անվտանգությունը հասանելի դարձնել ավելի շատ մարդկանց և ձեռնարկություններին ամբողջ աշխարհում:Հենց այս պատճառով էլ մենք որոշեցինք սկսել ինտեգրումը Hanwha-ի հետ և կառուցել միասնական շուկայական մոտեցում»,- նշել է Scylla-ի գործադիր տնօրեն Ալբերտ Ստեփանյանը:
Hanwha-ն անվտանգության ոլորտում առաջատար արտադրող է, որն ունի կայուն աճ ավելի քան 40 տարի: Hanwha Techwin-ը Hanwha Group-ի մի մասն է և Հարավային Կորեայի խոշորագույն կոնգլոմերատներից մեկը:
Սա Scylla-ի երկրորդ խոշոր համագործակցությունն է՝ Օմանում Bin Omeir ընկերությունների խմբի հետ համատեղ ձեռնարկություն ստեղծելու մասին հայտարարությունից հետո։
«Scylla»-ն 4,9 մլն դոլար ներդրումն ուղղում է ամերիկյան և հայկական թիմերի ընդլայնմանը
Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար:
