ՀՀ Ներքին գործերի նախարարության (ՆԳՆ) կողմից իրականացված օրենսդրական բարեփոխումների արդյունքում սույն թվականի ապրիլի 5-ից, եթե պարեկային ծառայողի կողմից կամ տեսալուսանկարահանող սարքերով արձանագրված իրավախախտման գործով կայացվել է տուգանքի որոշում, ապա ծանուցմանը հաջորդող օրվանից 15 օրվա ընթացքում վճարելու դեպքում ի սկզբանե նշանակված տուգանքը կնվազի 30%-ով: Վճարման պարտականությունը կհամարվի ամբողջությամբ կատարված (բացառությամբ վարչական տույժ նշանակելու որոշումը բողոքարկելու դեպքի):
Օրինակ, եթե կայացվել է 5000 դրամ տուգանքի նշանակման մասին որոշում, կկիրառվի բոնուսային նվազեցում 30 տոկոսի չափով, եթե 15 օրվա ընթացքում վճարվի 3500 դրամ։
Եթե արձանագրված խախտման համար կայացվել է 20 000 դրամ տուգանքի նշանակման մասին որոշում, ապա կկիրառվի բոնուսային նվազեցում 30 տոկոսի չափով, եթե 15-օրյա ժամկետում վճարվի 14000 դրամ։
15-օրյա ժամկետում տուգանքը վճարելու դեպքում կկիրառվի 30 տոկոսի նվազեցում և պարտավորությունը կհամարվի ամբողջությամբ կատարված։
Վարչական տույժ նշանակելու մասին որոշման մեջ, որն ուղարկվելու է վարորդին, ներկայացված է լինելու նվազեցման տոկոսայնությունը։
Համակարգը կգործի ապրիլի 5-ին և դրանից հետո կատարված իրավախախտումների պարագայում։
Մայիսի 1-ից ուժի մեջ է մտնելու նաև բոնուսային երկրորդ բաղադրիչը, որով նախատեսվելու է,որ էլեկտրոնային ծանուցման դեպքում կկիրառվի ևս 20 տոկոսի չափով նվազեցման համակարգ, ինչի մասին կտեղեկացվի հավելյալ։
Կարդացեք նաև՝
- Ինչքա՞ն գումար է վճարվել «կարմիր գծերում» կայանման համար 2024թ. հունվարին
- Ինչ է պետք իմանալ ավտոմեքենաների մաքսազերծման վերաբերյալ. ՊԵԿ-ի պարզաբանումը
Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար:
