OpenAI-ը գնել է Instagram-ի նախկին աշխատակիցների հիմնադրած ստարտափը

Վերջին լուրերը
OpenAI-ը գնել է Instagram-ի նախկին աշխատակիցների հիմնադրած ստարտափը
How2B
How2B-ն մեդիա հարթակ է, որի գլխավոր նպատակն է հեշտացնել բիզնես անելը Հայաստանում:

OpenAI-ը՝ ChatGPT հանրաճանաչ AI չաթբոտի ստեղծողը, հայտարարել է, որ ձեռք է բերել բաց կոդով թվային արտադրանքի մշակման Global Illumination ընկերությունը: Ստարտափի գնումը լեգենդար AI ֆիրմայի առաջին հայտնի ձեռքբերումն է, հայտնում է Reuters-ը:

Գործարքի ֆինանսական մանրամասները չեն բացահայտվում, նշում է գործակալությունը։ Ստարտափի գնորդ ընկերությունն ասել է, որ Global Illumination թիմը «միացել է OpenAI-ին՝ աշխատելու մեր հիմնական արտադրանքների, այդ թվում՝ ChatGPT-ի վրա»:

- Advertisement -
OpenAI-ը գնել է Instagram-ի նախկին աշխատակիցների հիմնադրած ստարտափը

Global Illumination-ը հիմնադրվել է Նյու Յորքում 2021 թվականին։ Նրա հիմնադիրներն են Թոմաս Դիմսոնը, Թեյլոր Գորդոնը և Ջոյ Ֆլինը։ Երեքն էլ նախկինում աշխատել են Meta Platforms-ի Instagram-ում։

Global Illumination-ի վերջին մշակումները կապված են բաց կոդով առցանց խաղերի տեխնոլոգիաների հետ: Ըստ Թոմաս Դիմսոնի անձնական կայքի՝ նա Instagram-ի բովանդակության դասակարգման ալգորիթմների սկզբնական կոդի համահեղինակներից է։

2023-ի փետրվարի սկզբին գեներատիվ արհեստական ​​բանականության լեզվի մոդելի վրա հիմնված չաթ-բոտի օգտատերերի թիվը հասել է 100 միլիոնի։ UBS ֆինանսական հոլդինգը ChatGPT-ն անվանել է պատմության մեջ ամենաարագ աճող հավելվածը։

Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար:

Կարդացե՛ք նաև
Կարդացե՛ք նաև
Ամենաընթերցվածները