Կազմակերպիչ՝ EIF
Վերջնաժամկետ՝ սեպտեմբերի 15
Միջոցառման մասին․
«Ձեռնարկությունների ինկուբատոր» հիմնադրամը հայտարարում է PMI Science-ի աջակցությամբ իրականացվող Գիտական ինկուբացիայի ծրագրի հայտերի ընդունման 6-րդ փուլի մեկնարկը:
Ծրագրի նպատակն է հետազոտությունների և գիտելիքի փոխանակմամբ ձևավորել նոր գործընկերային կապեր և ամրապնդել երկկողմ համագործակցությունն՝ արդյունաբերական և գիտական համայնքների միջև, այդպիսով խթանելով գիտության առևտրայնացման գործընթացը։
Ծրագրի արդյունքում մի շարք թիմեր կստանան մինչև 100 000 ԱՄՆ դոլարի չափով ֆինանսավորում և ոչ ֆինանսական ռեսուրսներ, կսկսեն աշխատել հայեցակարգերի ապացուցման, նախատիպերի մշակման ուղղությամբ:
Մասնակցության համար անհրաժեշտ է մինչև սեպտեմբերի 15-ը լրացնել հետևյալ հայտադիմումը։ Իսկ ծրագրի մասին ավելի մանրամասն կարող եք կարդալ այստեղ։
Ի դեպ՝ Գիտական ինկուբացիայի ծրագրի միջազգային հայտերի ընդունման 6-րդ փուլի շրջանակում սեպտեմբերի 6-ին կկազմակերպվեն առցանց տեղեկատվական հանդիպումներ բոլոր հետաքրքրված թեկնածուների համար։
Առաջին տեղեկատվական հանդիպումը (հայերենով) տեղի կունենա ժամը 14։00-ին (Երևանի ժամանակով), երկրորդը (անգլերենով)՝ ժամը 15։00 (Երևանի ժամանակով)։ Մասնակցելու համար անհրաժեշտ է մինչև սեպտեմբերի 6-ը՝ ժամը 12:00-ը գրանցվել հետևյալ հղումով։
Տեխնոլոգիական և բիզնես ոլորտի այլ նորությունների ծանոթացե՛ք՝ միանալով մեր Տելեգրամյան ալիքին։
