Amazon-ի հիմնադիր Ջեֆ Բեզոսը վերականգնել է առաջին տեղը Bloomberg-ի համաշխարհային միլիարդատերերի ինդեքսում՝ առաջ անցնելով Tesla-ի, SpaceX-ի և X-ի ղեկավար Իլոն Մասկից, ով այս տիտղոսը նրանից խլել էր 2021 թվականին։
Թարմացված վարկանիշի համաձայն՝ Բեզոսի կարողությունն այժմ 200 մլրդ դոլար է, 2-րդ տեղում հայտնված Մասկի կարողությունը՝ 198 միլիարդ, իսկ LVMH Group-ի գործադիր տնօրեն Բեռնար Առնոն շարունակում է մնալ աշխարհի ամենահարուստ մարդկանց ցուցակում երրորդը՝ 197 մլրդ դոլար կարողությամբ:
Ջեֆ Բեզոսը, ով այլևս չի գլխավորում Amazon-ը, հատկապես շահել է առցանց մանրածախ առևտրի հսկայի բաժնետոմսերի ուժեղ արդյունքներից, որոնց ամենամեծ բաժնետերն է մնում, ինչպես նաև խմբի արժեթղթերի վաճառքից, որը կազմում է 8,5 միլիարդ դոլար վերջին շաբաթներին: Այնուամենայնիվ, այդ բաժնետոմսերի վաճառքը կարող է հանգեցնել նրան, որ նա կրկին կորցնի իր առաջին տեղը կապիտալի շահույթի հարկերի ավելացման պատճառով, որը նա դեռ ստիպված պետք է վճարի, գրում է Wall Street Journal-ը:
Մյուս կողմից, Իլոն Մասկի զուտ կարողությունը նվազել է ավելի քան 30 միլիարդ դոլարով՝ Tesla-ի գնի անկման պատճառով։ Բայց ամենամեծ հարվածը միլիարդատիրոջ կարողությանը հասավ հունվարի վերջին, երբ Դելավերում դատավորը չեղյալ հայտարարեց Tesla-ի բաժնետոմսերի փոխհատուցման ծրագիրը, որը 2018 թվականին գնահատվում էր 60,7 միլիարդ դոլար: Ավտոարտադրողի բաժնետերերից մեկը հայց էր ներկայացրել դատարան՝ համարելով այս վարձատրությունը չափազանցված։
Բիզնես և տեխնոլոգիական ոլորտի նորությունները բաց չթողնելու համար միացե՛ք How2B-ի Տելեգրամյան ալիքին։
