Instagram-ը խոսել է մի քանի թարմացումների մասին, որոնք աստիճանաբար կներկայացվեն հոկտեմբերին:
Հոկտեմբերի 19-ին սոցիալական ցանցում կհայտնվի Collabs գործառույթը, որը թույլ կտա երկու օգտվողի համատեղ հրապարակում կատարել: Նման գրառումները կունենան ընդհանուր մեկնաբանություններ, դիտումներ և հավանումներ:
Հոկտեմբերի 20-ին սոցիալական ցանցը գործարկելու է գործառույթ, որը թույլ կտա սկսել միջոցներ հայթայթել ոչ առևտրային կազմակերպությունների համար:
Հոկտեմբերի 21-ին ամբողջ աշխարհի օգտվողները կկարողանան լուսանկարներ և մեկ րոպեից ոչ ավել տեսանյութեր հրապարակել անմիջապես համակարգչից։ Սոցիալական ցանցը փորձարկել է այս հնարավորությունը հունիսին: Մինչ այդ, իր գոյության ամբողջ ընթացքում Instagram-ը թույլ էր տալիս հրապարակումներ կատարել միայն բջջային սարքերից:
Նույն օրը Instagram-ը կավելացնի նաև նոր հնարավորություններ Reels բաժնում, այդ թվում՝ 3D երգի բառեր ավելացնելու հնարավորություն:
Տեխնոլոգիական և բիզնես ոլորտի այլ նորությունների ծանոթացե՛ք՝ միանալով մեր Տելեգրամյան ալիքին։
