Հայկական Hoory AI-ը ներկայացրել է իր պրոդուկտը Product Hunt-ի նորարարական պրոդուկտների շարքում և այժմ պայքարում է կայքում առաջին հորիզոնականը զբաղեցնելու և լավագույն պրոդուկտը դառնալու համար։
Ստարտափին ծանոթանալու և աջակցելու համար անցեք հետևյալ հղումով։
Hoory AI-ը հայկական ստարտափ է, որն ավտոմատացնում է հաճախորդների սպասարկումը՝ օգտագործելով այնպիսի ժամանակակից տեխնոլոգիաներ, ինչպիսիք են՝ խոսակցական և գեներատիվ AI-ը, մեքենայական ուսուցումը և բնական լեզվի մշակումը։
Hoory AI-ի առաքելությունն է նորովի սահմանել հաճախորդների սպասարկման ոլորտի կանոնները` կիրառելով ավտոմատացման ժամանակակից լուծումներ: Ստարտափը բիզնեսներին զինում է խելացի AI օգնականով և ավտոմատացնում է սպասարկման ավանդական գործընթացները։
Վերջին տարիներին Hoory AI-ը արագ և վստահ քայլերով զարգանում է՝ շարունակաբար համալրելով պրոդուկտի ֆունկցիոնալ հնարավորությունները և ընդլայնելով իր շուկայի աշխարհագրությունը։
Ստարտափը նաև առանձնանում է միջազգային տարբեր միջոցառումներին իր ակտիվ մասնակցությամբ։
Բոլորովին վերջերս Լոնդոնում կայացած խաղային ոլորտի 17-րդ Միջազգային մրցանակաբաշխության ժամանակ Hoory AI-ը արժանացավ «Տարվա նորարար» պատվավոր մրցանակին: Նշանակալից էր նաև Hoory AI-ի մասնակցությունը MWC Barcelona 2024 տեխնոլոգիական ցուցահանդեսին, որտեղ ստարտափը ներկայանում էր ՀՀ Բարձր տեխնոլոգիական արդյունաբերության նախարարության մեծ հովանու ներքո։
Կարդացե՛ք նաև՝
- Հայկական Activeloop-ը 11 միլիոն դոլար է ներգրավել
- Doing Digital Forum-ը վերադառնում է՝ «Հնարավորություններին ընդառաջ» խորագրով
Տեխնոլոգիական և բիզնես ոլորտի այլ նորությունների ծանոթացե՛ք՝ միանալով մեր Տելեգրամյան ալիքին։
