Համացանցում է հայտնվել գաղտնաբառերի ամենամեծ տվյալների բազան՝ 10 մլրդ եզակի համակցություններով

Վերջին լուրերը
Համացանցում է հայտնվել գաղտնաբառերի ամենամեծ տվյալների բազան՝ 10 մլրդ եզակի համակցություններով
How2B
How2B-ն մեդիա հարթակ է, որի գլխավոր նպատակն է հեշտացնել բիզնես անելը Հայաստանում:

Cybernews-ի հետազոտողները հայտնաբերել են գաղտնաբառերի ամենամեծ հավաքածուն, որը բաղկացած է 9,948,575,739 եզակի համակցություններից, որոնք պահվում են բաց ֆայլով: Rockyou2024.txt գաղտնաբառի ֆայլը նկատվել է հաքերային ֆորումներից մեկում և, բնականաբար, այն ցանկալի թիրախ է հաքերների համար։

«Ըստ էության, RockYou2024-ն իրական գաղտնաբառերի հավաքածու է, որն օգտագործվում է ամբողջ աշխարհի մարդկանց կողմից: Այսքան շատ գաղտնաբառերի բացահայտումը զգալիորեն մեծացնում է հաքերների կողմից գաղտնաբառի գուշակման ռիսկը»,- նշում է Cybernews-ը:

- Advertisement -
Համացանցում է հայտնվել գաղտնաբառերի ամենամեծ տվյալների բազան՝ 10 մլրդ եզակի համակցություններով

Ըստ առկա տվյալների՝ ֆայլը հրապարակվել է հուլիսի 4-ին ObamaCare մականունով օգտատիրոջ կողմից, ով ֆորումում գրանցվելուց հետո արդեն հրապարակել էր ավելի վաղ արտահոսքի տվյալներ։ Հետազոտողները նշում են, որ RockYou2024 տվյալների բազան հարձակվողները կարող են օգտագործել չթույլատրված մուտք ունենալու համար տարբեր առցանց հաշիվներ, որոնք օգտագործվում են այն մարդկանց կողմից, ում գաղտնաբառերը նշված են այս ցանկում:

Զեկույցում ասվում է, որ RockYou2024 ֆայլը հիմնված է տվյալների մի քանի արտահոսքի վրա, որոնք տեղի են ունեցել վերջին երկու տասնամյակների ընթացքում: Միևնույն ժամանակ ֆայլին ավելացվել է 1,5 միլիարդ գաղտնաբառ, որոնք համացանցում հայտնվել են 2021-2024 թվականներին։ Փորձագետները զգուշացնում են, որ գաղտնաբառերի նման ընդարձակ բազան հարձակվողները կարող են օգտագործել տարբեր տեսակի հարձակումներ իրականացնելու համար, և վտանգի տակ են ոչ միայն առցանց ծառայությունները, այլև արդյունաբերական սարքավորումները, տեսահսկման համակարգերը և այլն։

Ավելին, երբ այն զուգակցվում է հաքերների ֆորումների և առևտրային հարթակների այլ արտահոսած տվյալների հետ, որոնք, օրինակ, պարունակում են օգտատերերի էլ.փոստի հասցեներ և այլ տվյալներ, RockYou2024-ը կարող է նպաստել տվյալների նոր արտահոսքի, ֆինանսական խարդախության և անձնական տվյալների գողության մի ամբողջ կասկադի առաջացմանը»,- նշում է Cybernews-ը։

Բիզնես և տեխնոլոգիական ոլորտի նորությունները բաց չթողնելու համար միացե՛ք How2B-ի Տելեգրամյան ալիքին։

Կարդացե՛ք նաև
Կարդացե՛ք նաև
spot_imgspot_img
Ամենաընթերցվածները