Հայկական խաղային արտադրության ոլորտում մեկնարկել է բացառիկ նախագիծ, որի շրջանակում ստեղծվում է Երևան քաղաքի պատկերով առաջին «open-world» ժանրի համակարգչային խաղը: Նախագծի գլխավոր հերոսին մարմնավորում և ձայնավորում է ռեփեր Միշոն: Խաղի պրոդյուսերը Ռաֆայել Թադևոսյանն է, իսկ պաշտոնական թողարկումը նախատեսված է 2026 թվականի դեկտեմբերին:
Խաղացողներին հասանելի կլինի գրեթե ամբողջությամբ վերակերտված Երևանը, որտեղ հնարավոր կլինի ազատ տեղաշարժվել, փոխազդել կերպարների հետ և ազդել սյուժեի զարգացման վրա: Պատմության կենտրոնում Արթուր անունով հերոսն է, ով փորձում է փոխել սեփական կյանքը:
Նախագիծն ընդգրկում է մեքենաների իրականին մոտ կառավարում, NPC կերպարներով հագեցած քաղաքային միջավայր և օրիգինալ սաունդթրեք: Մոտ ժամանակներս մշակողները խոստանում են ներկայացնել խաղի առաջին թիզերը:
