Google-ը վերջապես օգտագործման համար հասանելի է դարձրել իր արհեստական բանականությամբ գործող Bard չաթբոտը, որը պետք է մրցակցի մեծ աղմուկ հանած ChatGPT-ի հետ: Առայժմ այն գործելու է սահմանափակ ֆունկցիոնալով ու ընդամենը երկու երկրներում՝ ԱՄՆ-ում և Մեծ Բրիտանիայում:
Bard նեյրոցանցը կառուցված է LaMDA լեզվական մոդելի հիման վրա, ու նախնական տեքստերը ցույց են տվել, որ դեռ կատարելագործման կարիք ունի: Չնայած դրան՝ Google-ը որոշել է այն դուրս բերել հանրային օգտագործման: Այն ներկայացված է bard.google.com հասցեով, ընդ որում՝ ցանկացողները ստիպված են հերթագրվել այն օգտագործելու համար, ու դրա հնարավորությունը կստանան միայն ընկերության կողմից ընտրված մարդիկ: Ընկերությունը պլանավորում է աստիճանաբար մեծացնել լսարանը, բայց դեռ չի տրամադրում տեղեկատվություն այն մասին, թե երբ այն հասանելի կդառնա բոլորի համար:
Bard-ը հիմնականում նման է ChatGPT-ին և մյուս նմանատիպ չաթերին, որի միակ և գլխավոր գործառույթը օգտատիրոջ մուտքագրած հարցերին պատասխանելն է:
Կարդացե՛ք նաև՝
- Բացահայտելով ChatGPT-ն. նրա հնարավորություններն ու տարբեր ոլորտներում կիրառումը
- Gen-2 նոր նեյրոցանցը տեքստի հիման վրա տեսանյութեր է գեներացնում
Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար:
