Ըստ Մայքլ Թոմասի վերլուծության՝ 2023 թվականին Google-ը և Microsoft-ը յուրաքանչյուրը սպառել են 24 ՏՎտ/ժ էլեկտրաէներգիա , ինչը ավելին է, քան 100-ից ավել երկրների սպառումը, ներառյալ այնպիսի երկրներ, ինչպիսիք են Իսլանդիան, Գանան և Թունիսը:
Սպառված էներգիայի մեծ մասն ուղղվում է տվյալների կենտրոնների աշխատանքին, որոնք պատասխանատու են բազմաթիվ առցանց ծառայությունների աշխատանքի համար:
Թեև էներգիայի հսկայական սպառումը նշանակում է էական ազդեցություն շրջակա միջավայրի վրա այս տեխնոլոգիական հսկաների համար, հարկ է նշել, որ Google-ը և Microsoft-ը նաև ավելի շատ գումար են արտադրում, քան շատ երկրներ: Բացի այդ, այնպիսի ընկերություններ, ինչպիսիք են Intel-ը, Google-ը և Microsoft-ը, առաջատար են արդյունաբերության մեջ վերականգնվող էներգիայի ներդրման հարցում՝ նպատակ ունենալով նվազեցնել ածխածնային ազդեցությունը:
Ի դեպ, 2023 թվականին Google-ի և Microsoft-ի էլեկտրաէներգիայի սպառումը`24 ՏՎտ/ժ, հավասար է 10.3 մլն բնակչություն ունեցող Ադրբեջանի էներգիայի սպառմանը։ Համեմատության համար նշենք, որ 2023 թվականին Հայաստանում արտադրվել է ընդհանուր առմամբ 8,8 մլրդ կՎտ/ժ էլեկտրաէներգիա։
Այնուամենայնիվ, կան երկրներ, որոնք ունեն սպառման ավելի բարձր ցուցանիշներ, օրինակ՝ Սլովակիան (բնակչության թիվը՝ 5.4 մլն), որտեղ էլեկտրաէներգիայի սպառումը հասնում է 26 ՏՎտ/ժ-ի։
Նման թվերի ֆոնին հարկ է նշել երկու ընկերությունների ֆինանսական հաջողությունները։ 2023 թվականին Google-ի եկամուտը կազմել է 305,6 միլիարդ դոլար, իսկ Google Search-ի, Google Cloud-ի և YouTube-ի նման գործիքների տնտեսական ներդրումը գնահատվում է մոտավորապես 739 միլիարդ դոլար՝ ըստ ընկերության տվյալների: Microsoft-ի եկամուտն այդ տարի կազմել է 211,9 մլրդ դոլար։
Եթե այս թվերը համեմատենք էներգիայի սպառման համանման մակարդակ ունեցող երկրների ՀՆԱ-ի հետ, ապա կտեսնենք, որ, օրինակ, Ադրբեջանի ՀՆԱ-ն 2023 թվականին կազմել է մոտ $78 մլրդ, իսկ Սլովակիայի ՀՆԱ-ն՝ մոտ $127 մլրդ։
Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար:
