Unicorn Embassy․ meetup
Հունիսի 21-ին Երևանում կկայանա հանդիպում, որի ընթացքում մասնակիցները կքննարկեն, թե ինչպես նախապատրաստել ընկերությունները արհեստական բանականության (AI) ներդրմանը և ընտրել այն բիզնես գործընթացները, որտեղ AI-ը կարող է իրական արժեք ստեղծել։
Քննարկման ընթացքում կներկայացվեն AI-ի ներդրման հիմնական փուլերը, ոլորտում տարածված սխալ պատկերացումները և մարտահրավերները, նաև այն ուղիները, որոնք թույլ են տալիս փորձարարական նախագծերից անցնել չափելի բիզնես արդյունքների։
Հիմնական բանախոսը կլինի Միխայիլ Շահմուրադյանը՝ PHT_lab ընկերության հիմնադիրը և ArnaAI ծառայության համահիմնադիրը։ Նա ունի արհեստական բանականության համակարգերի մշակման շուրջ 10 տարվա փորձ՝ աշխատելով Huawei, Pfizer և Ground Logistics ընկերությունների նախագծերում։ Շահմուրադյանը նաև գիտական հոդվածների հեղինակ է, դասավանդել է AI թեմաներով Մոսկվայի պետական համալսարանում և մասնակցել բազմաթիվ միջազգային համաժողովների։
Միջոցառման օրակարգում նախատեսված են AI-ի կիրառմանը նվիրված քննարկում, հարցուպատասխան, Open Mic ձևաչափով ստարտափների ներկայացումներ, նաև նեթվորքինգ և ոչ պաշտոնական շփումներ։
Հանդիպումը կմոդերացնի Յան Ներովնին՝ Unicorn Embassy-ի հիմնադիրը, նախկինում՝ Tinkoff-ի և EPAM-ի պրոդուկտային ղեկավար։
Մասնակցությունը հնարավոր է նախնական գրանցմամբ և նվիրատվության հիմունքներով։ Տեղերի քանակը սահմանափակ է։
