-0.9 C
Yerevan
Wednesday, February 8, 2023

Երկար գրառումներ և վիդեոներ. Իլոն Մասկը դեմ չէ Twitter-ում սկզբունքային փոփոխություններին

Վերջին լուրերը

Երկար գրառումներ և վիդեոներ. Իլոն Մասկը դեմ չէ Twitter-ում սկզբունքային փոփոխություններին
How2B
How2B-ն մեդիա հարթակ է, որի գլխավոր նպատակն է հեշտացնել բիզնես անելը Հայաստանում:

Twitter սոցիալական ցանցը գնելուց հետո Իլոն Մասկն արդեն իսկ փոխել է ղեկավար կազմը՝ հեռացնելով մի քանի թոփ-մենեջերի: Բայց փոփոխությունները կարող են անդրադառնալ նաև բուն պրոդուկտին: Մասկը հայտնել է, որ դեմ չէ Twitter-ում ավելի երկար գրառումների ու տեսանյութերի հայտնվելուն:

Ստեղծման օրից մինչև այժմ Twitter-ում գործում էր գրառման սիմվոլների քանակի սահմանափակում՝ նախ մինչև 140, ապա մինչև 280 սիմվոլ: Նույն կերպ, տեսանյութերի առավելագույն թույլատրելի տևողությունը 140 վրկ էր: Օգտատերերի մի մասը սա համարում էր անհեթեթ սահմանափակում և պահանջում հանել, մյուս մասն էլ այն համարում էր Twitter-ի առանձնահատկություններից մեկը, որն արժեք է տալիս սոցցանցին:

Մասկը պատասխանել էր օգտատերերի գրառումներին՝ նշելով, որ երկու սահմանափակումներն էլ կարող են վերանալ: Սոցցանցի նոր սեփականատերը նախատեսում է նաև այլ փոփոխություններ կատարել, մասնավորապես ստեղծել բովանդակության մոդերացիայի կենտրոն, որը կապահովի տեսակետների բազմազանություն:

Տեխնոլոգիական և բիզնես ոլորտի նորությունները՝ մեր Ֆեյսբուքյան էջում։

Կարդացե՛ք նաև

Ամենաընթերցվածները