EasyPay ընկերությունը միանում է Հայաստանի առաջատար կինոփառատոնին՝ «Ոսկե Ծիրան»-ին, ինչպես նաև դրա շրջանակում անցկացվող երկու ուշագրավ միջոցառումներին՝ հանդես գալով որպես ֆինանսական գործընկեր։
Մեկ շաբաթ շարունակ կինոսիրողները կարող են մասնակցել բացառիկ ցուցադրությունների, կինոհանդիպումների և երաժշտական միջոցառումների՝ ձեռք բերելով տոմսերը easywallet հավելվածից։
«Ոսկե Ծիրան» Երևանի 22-րդ միջազգային կինոփառատոնը կանցկացվի հուլիսի 13-20․ այս ընթացքում Երևանը վերածվում է համաշխարհային կինոյի կենտրոնի՝ հյուրընկալելով Կաննի, Վենետիկի, Բեռլինի և այլ հեղինակավոր փառատոնների լավագույն ֆիլմերը։ Ցուցադրությունները կկայանան Մոսկվա կինոթատրոնում և Երևանի Կինոյի տանը։
Հուլիսի 16-ին, Rambalkoshe-ն և Ոսկե Ծիրանը ներկայացնում են եզակի համադրություն՝ կինո և կենդանի երաժշտություն։ Մոսկվա կինոթատրոնում կցուցադրվի Կաննի մրցանակակիր «Sirāt» ֆիլմը, այնուհետև Հայաստանի պետական ֆիլհարմոնիայում տեղի կունենա ֆիլմի երաժշտության հեղինակ՝ Կանգդինգ Ռեյի կենդանի համերգը։
Հուլիսի 18-ին, Rambalkoshe-ն հրավիրում է Վուդս կենտրոն՝ դիտելու Շոն Բեյքրի «Anora» ֆիլմը։ Դիտումից հետո կանցկացվի բաց քննարկում Շոն Բեյքրի, Վաչե Թովմասյանի և Կարեն Կարագուլյանի մասնակցությամբ։ Երեկոն կամփոփվի ջազով ու էլեկտրոնային երաժշտությամբ։
Այս բոլոր միջոցառումների տոմսերը հասանելի են easywallet հավելվածի easyevents բաժնում։
