Չինաստանի իշխանությունները քննարկում են TikTok-ի ամերիկյան ստորաբաժանումը միլիարդատեր Իլոն Մասկին վաճառելու հնարավորությունը, հայտնում է Bloomberg-ը՝ հղում անելով աղբյուրներին։
Նշվում է, որ Մասկի ընկերությունը կարող է վերահսկել TikTok US-ը, ինչը կնշանակի, որ նա կկառավարի միանգամից երկու խոշոր սոցիալական ցանցեր՝ X-ը (Twitter) և TikTok-ը։
Չինական ծառայությունը, որն ունի ավելի քան 170 միլիոն օգտատեր ԱՄՆ-ում, կկարողանա նոր գովազդատուներ ներգրավել X-ի համար, իսկ xAI արհեստական բանականությանը հասանելի կլինեն միլիոնավոր կարճ տեսանյութեր՝ ուսուցման համար:
