Երեխաների իրավունքների պաշտպանությունն ու նրանց բարեկեցությանը նպաստելը Բիբլոս Բանկ Արմենիայի կորպորատիվ սոցիալական պատասխանատվության պորտֆելի կարևոր կետերից է:
Հունիսի 1-ին՝ Երեխաների պաշտպանության միջազգային օրը, այս հանձնառությունը վերածվեց մանկության ու երևակայության աշխույժ տոնի՝ Երևանի ամենասիրուն անկյուններից մեկում՝ Սիրահարների այգում:
Ամենատարբեր տարիքի երեխաներ հավաքվել էին այգում՝ շփվելու այնպես, ինչպես միայն իրենք են կարողանում շփվել, խաղալու, վազվզելու և արևը վայելելու:
Միջոցառման կենտրոնում ինտերակտիվ ներկայացում էր՝ ստեղծված հատուկ Բիբլոս Բանկ Արմենիայի փոքրիկ հյուրերի համար՝ Հենրիկ Մալյանի անվան թատրոնի դերասանական խմբի բեմադրությամբ: Պիեսը ներկայացրեց ֆինանսական աշխարհը՝ հեշտ լեզվով և երեխաներին հասկանալի օրինակներով:
Երեխաները շփվեցին պարոն Դրամի հետ ու զվարճալի մեթոդներով սովորեցին գումար խնայելու և այն խելացի ծախսելու կարևորության մասին:
Նրանք նաև հմտության խաղեր խաղացին իրենց ծնողների և ընտանիքի անդամների հետ միասին, պաղպաղակ վայելեցին ու ստացան հատուկ նվերներ։
Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար:
