«Երբ ես ավարտում եմ մի գիրք և որոշում՝ ինչ կարդալ հաջորդիվ, հազվադեպ է լինում տրամաբանական կապ այս երկու գրքերի միջև: Ես կարող եմ քաղաքացիական պատերազմի մասին պատմական գրքի ավարտից հետո սկսել գիտաֆանտաստիկ մի վեպ, որը տեղի է ունենում հեռավոր ապագայում: Նույնը վերաբերում է շոուներին և ֆիլմերին»։ Այսպես է Բիլ Գեյթսը նկարագրում իր՝ գրքեր ընտրելու ընթացքն ու նախասիրությունները։
Իսկ եթե դու չես կողմնորոշվում ինչ կարդալ և ինչ դիտել այս ամառվա ընթացքում, ապա առաջարկում ենք ծանոթանալ Բիլլ Գեյթսի նախընտրելի գրքերի ու ֆիլմերի ցանկին։
1․ Գրքերի ցանկը գլխավորում է Քրիստին Հաննայի «Կանայք» (անգլ․ Kristin Hannah – The Women) վեպը։ Սա Վիետնամում ծառայող ԱՄՆ բանակի մի բուժքրոջ պատմություն է:
2․ Երկրորդ տեղում է Քրիս Անդերսոնի «Վարակիչ առատաձեռնություն» (անգլ․ Chris Anderson Infectious Generosity) գիրքն է, որն ուսումնասիրում է առատաձեռնության թեման և բացատրում, թե ինչպես կարող են մարդիկ և ընկերությունները խթանել առատաձեռնության աճը, ընդ որում՝ գիրքը միայն փողի մասին չէ։
3․ Ցանկի երրորդ՝ Սալ Խանի «Համարձակ նոր խոսքեր» (անգլ․Sal Khan – Brave New Words) գիրքն այն մասին է, թե ինչպես արհեստական ինտելեկտը կփոխի ուսանողների և ուսուցիչների կյանքը:
4․ Իսկ հաղորդակցման հմտությունները զարգացնելու համար Գեյթսը խորհուրդ է տալիս կարդա Դեյվիդ Բրուքսի «Ինչպես ճանաչել մարդուն» (անգլ․ David Brooks How to Know a Person) գիրքը։
5․ Գեյթսը նաև խորհուրդ է տվել դիտել «Slow Horses» բրիտանական թրիլլերը՝ Գարի Օլդմանի մասնակցությամբ, որը լրտեսների մասին է պատմում MI5-ում` Միացյալ Թագավորության ներքին հակահետախուզության և անվտանգության գործակալությունում:
Աղբյուրը՝ ստորև․
Ամենահետաքրքիր հոդվածներն ու նորությունները բաց չթողնելու համար՝ միացե՛ք How2B-ի Տելեգրամյան ալիքին:
