Առաջին սերնդի Apple Vision Pro սարքերի որոշ օգտատերեր ունեցել են առողջական խնդիրներ՝ սկսած գլխացավից և պարանոցի ցավից մինչև աչքերի տակ մուգ շրջանակներ: Սա, ըստ երևույթին, պայմանավորված է սարքի ճնշումից դեմքի հատվածի վրա: Apple-ը խորհուրդ է տալիս կանոնավոր ընդմիջումներ անել ականջակալն օգտագործելուց, սակայն բողոքները շարունակվում են:
Hopscotch Interactive-ի մարքեթինգի տնօրեն Էմիլի Օլմանը առաջին անգամ կիսվել է իր տհաճ փորձով Apple Vision Pro-ի հետ։ Ականջակալն առաջին անգամ օգտագործելուց հետո նա աչքերի տակ նկատել է երկու «սուպերմուգ սև շրջանակներ», որոնք իբր առաջացել են այտոսկրերի վրա սարքի ճնշումից:
Խնդիրներից չի խուսափել նաև Signal խորհրդատվական ընկերության ղեկավար Յան Բիքրաֆտը, ով ասել է, որ սարքն օգտագործելուց հետո ցավ է զգացել գանգի հիմքում և մեջքի վերին հատվածում։ Այս ախտանշանները ցույց են տալիս սարքի աշխատանքի ընթացքում գլխի անբնական դիրքի պատճառով հնարավոր լարվածություն:
Reddit-ի օգտատերերի համայնքում նույնպես կուտակվում են բողոքներ Apple Vision Pro-ի վերաբերյալ՝ կապված մշտական գլխացավերի, աչքերի լարվածության և սարքի ծանրությունից առաջացած անհանգստության հետ։ Թեև որոշ օգտատերեր կարողացել են լուծել խնդիրը՝ օգտագործելով այլ արտադրողների մոդիֆիկացված ամրագոտիներ և աքսեսուարներ, մյուսները ընդհանրապես խնդիրներ չունեն սարքի և դրա ստանդարտ ժապավենի տարբերակների հետ:
Ի պատասխան բողոքների՝ Apple-ը սահմանափակվել է օգտագործողի ձեռնարկում նշված ընդհանուր առաջարկություններով: Ընկերությունը խորհուրդ է տալիս, սարքին հարմարվելու ժամանակահատվածում ամեն 20-30 րոպեն մեկ ընդմիջումներ կատարել և անհարմարության նշաններ նկատելու դեպքում դադարեցնել այն օգտագործել: Apple-ը խորհուրդ չի տալիս մարդկանց, ովքեր աչքի լարվածություն, գլխացավ կամ ցավ են զգում, շարունակել օգտագործել սարքը:
Տեխնոլոգիական և բիզնես ոլորտի այլ նորությունների ծանոթացե՛ք՝ միանալով մեր Տելեգրամյան ալիքին։
