Apple-ը հայտարարել է iPod-ների վաճառքի դադարեցման մասին։
«Ավելի քան 20 տարի առաջ ընկերության ստեղծած iPod-ները գրավել են ամբողջ աշխարհի օգտատերերին՝ երաժշտությունն իրենց հետ տանելու հնարավորություն տալով:
Այսօր այս հնարավորությունը ներդրված է Apple-ի բոլոր պրոդուկտներում՝ iPhone-ից և Apple Watch-ից մինչև iPad և Mac:
Apple Music հավելվածի միջոցով օգտատերերին հասանելի է ավելի քան 90 միլիոն երգ և 30000 երգացանկ»,- ասվում է ընկերության հայտարարության մեջ:
iPod Touch-ի վերջին մոդելները հասանելի կլինեն ընկերության կայքում և պաշտոնական խանութներում՝ մինչև սպառվելը:
Apple-ն այս պրոդուկտը առաջին անգամ ներկայացրել է 2001 թվականի հոկտեմբերին։ Այն թողարկվել է մի քանի տարբերակով՝ Classic, Nano, Shuffle և Touch:
Apple Music ծառայության և iPhone-ի նոր մոդելների գոյությամբ պայմանավորված՝ iPod-ների պահանջարկը անկում է ապրել։ iPod-ների շարքի վերջին մոդելը՝ iPod Touch 7-ը, թողարկվել է 2019 թվականի մայիսին։
Տեխնոլոգիական և բիզնես ոլորտի այլ նորությունների ծանոթացե՛ք՝ միանալով մեր Տելեգրամյան ալիքին։
