Ռուսաստանը կհյուընկալի 25 մլն դոլար մրցանակային ֆոնդով «Ապագայի խաղեր 2024»-ը՝ առաջին միջազգային ֆիգիտալ սպորտային մրցաշարը։
2023 թվականի ապրիլի 29-ին Ռուսաստանի փոխվարչապետն ու Թաթարստանի նախագահը բացել են «Ապագայի խաղեր» մրցաշարի 300 օրվա հետհաշվարկի ժամացույցը միաժամանակ Մոսկվայում և Կազանում:
Վիրտուալ իրականության տարրերով և առցանց քվեստներով 300 օրվա հետհաշվարկի շոուին մասնակցել էին հայտնի ռուս մարզիկներ և բազմաթիվ այլ հյուրեր: Միջոցառումը վարել է նաև AI ձայնային օգնական Մարուսյան VK Group-ից, իսկ Ռուսաստանի նախագահ Վլադիմիր Պուտինը մասնակիցներին ողջունել է տեսաուղերձով։
Ի՞նչ է «Ապագայի խաղեր»֊ը
25 մլն դոլար հսկայական մրցանակային ֆոնդով «Ապագայի խաղեր»֊ը լայնածավալ մրցաշար է, որը կանցկացվի պատմության մեջ առաջին անգամ և կունենա միջազգային մրցույթի կարգավիճակ։ Մրցաշարը կտևի ինը օր՝ 2024 թվականի փետրվարի 23-ից մարտի 2-ը Կազանում և կներկայացնի 16 հիբրիդային դիսցիպլիններ։ Ապագայի խաղերին կմասնակցի 2000 մարզիկ ավելի քան 100 երկրից։
Մրցաշարը բաց է ՀՀ֊ից մասնակիցների համար: Մասնակցության հայտը հնարավոր է լրացնել այստեղ։
Սպորտային դիսցիպլինաներ
Առաջիկա միջազգային մրցաշարը կանցկացվի 16 հիբրիդային ձևով, որոնք տեղի կունենան ֆիզիկական և կիբերաշխարհներում: Սա նշանակում է, որ ֆիգիտալ մարզիկները պետք է առավելություն գրանցեն երկու հարթություններում: Նոր ֆիգիտալ գործողությունները կկոչվեն «մարտահրավերներ»։ Դրանքն հինգն են լինելու՝ սպորտային, Speedrun, մարտավարական, տեխնիկական և ռազմավարական:
Սպորտային մարտահրավեր, որը նորարարական կրկնակի միջոցառում է, որտեղ մարզիկները սկզբում կմրցեն տեսախաղի միջոցով, ապա՝ դրա ֆիզիկական անալոգի:
Մարտավարական մարտահրավերը կմեկտեղի մի քանի դիսցիպլինա, որտեղ լազեր թագը կզուգորդվի հրաձգության և Battle Royale ժանրերի տեսախաղերի հետ:
Մարտական մարտահրավերի ժամանակ մարզիկները պետք է ցուցադրեն իրենց ուժը MOBA ժանրի տեսախաղերում, իսկ հաղթողները կհանդիպեն Phygital Super Final-ում:
Տեխնիկական մարտահրավերը ներառում է երկու դիսցիպլինա՝ անօդաչու թռչող սարքերի մրցավազք և ռոբոտների մենամարտեր:
Խաղի անցման մարտահրավերը բաղկացած է երկու մասից. նախ՝ խաղացողները խաղում են արագության խաղեր, այնուհետև մասնակցում են սուպեր եզրափակիչին՝ շոու-խաղին:
Ովքե՞ր կարող են մասնակցել
«Ապագայի խաղեր»-ի մեկ այլ նորույթը սպորտի նկատմամբ նրա յուրահատուկ մոտեցումն է. մրցույթը որևէ սահմանափակում չի դնում մասնակիցների համար և ողջունում է բոլորին՝ անկախ տարիքից, սեռից և ազգությունից:
Ինչպե՞ս միանալ «Ապագայի խաղեր» շարժմանը հիմա
«Ապագայի խաղեր»-ին ընդառաջ՝ 2023 թվականի մայիսի 15-19, Կազանում տեղի կունենան Ֆիգիտալ խաղեր՝ մրցույթների շարք, որն ի ցույց կդնի տարբեր ֆիգիտալ սպորտատեսակներ: Դրանցից են ֆիգիտալ ֆուտբոլի մրցաշարը և տակտիկական մարտախաղերը: Իսկ հունիսին հնարավոր կլինի խաղալ ֆիգիտալ հոկեյ: Յուրաքանչյուր մրցույթ նախատեսում է առանձին մրցանակային ֆոնդ:
«Ապագայի խաղեր»-ի խորհրդանիշը
Այժմ հայտարարվել է առցանց հարցում, որը կօգնի Կանդինսկի 2.1 նեյրոնային ցանցի միջոցով խաղերի թալիսման ստեղծելու գաղափարների և առաջարկների հավաքագրմանը: Հարցումը հասանելի է talisman.gofuture.games-ում և կգործի 2023 թվականի ապրիլի 29-ից մինչև մայիսի 19-ը: Մայիսի 26-ին կհայտարարվեն ամենահայտնի բառերի ամպերը, որոնք հիմք կհանդիսանան նեյրոնային ցանցի հարցումների համար: «Ապագայի խաղեր»-ի թալիսմանի բացահայտումը նախատեսված է 2023 թվականի հունիսին:
Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար:
