Հայաստանի հրեշտակ ներդրողների ակումբը (AICA) հայտարարել է հայկական Docus ստարտափում ներդրում կատարելու մասին՝ նշելով, որ ստարտափը շարունակում է նորարարություններ կատարել, աճել և docus.ai-ն առաջատար դիրքում է AI-ի միջոցով առողջապահությունը փոխակերպելու գործում:
Docus-ն արհեստական բանականությամբ օժտված օնլայն հարթակ է, որը հնարավորություն է տալիս կապ հաստատել Եվրոպայի և ԱՄՆ-ի լավագույն բժշկական հաստատությունների հետ՝ այդկերպ մեծացնելով հիվանդների՝ ճշգրիտ ախտորոշում և բուժում ստանալու հնարավորությունը։
Docus AI Health Assistant-ը տրամադրում է անհատականացված առաջարկներ, այսինքն` օգտատերը ստանում է խորհուրդներ՝ հիմնված իր անհատական առողջության պրոֆիլի վրա, ինչը թույլ է տալիս վերահսկել առողջական վիճակը։
Այն ունի հիվանդությունների հավանականության գնահատման գործառույթ, որի շնորհիվ գնահատում է պոտենցիալ առողջական ռիսկերը՝ տալով վաղ պատկերացումներ հնարավոր հիվանդությունների վերաբերյալ։
Բացի այդ գործիքը նաև ունի առողջության մասին անհատականացված զեկույցներ և անհատականացված կլինիկական պլան, որը կտրամադրի գիտելիքներ և քայլեր՝ առողջությունը պահպանելու կամ բարելավելու համար։
Տեխնոլոգիական և բիզնես ոլորտի այլ նորությունների ծանոթացե՛ք՝ միանալով մեր Տելեգրամյան ալիքին։
