Բելգիայի թագուհի Մաթիլդան այցելել է Երևանի TUMO ստեղծարար տեխնոլոգիաների կենտրոն։ Այցի ընթացքում Նորին Մեծությունը ծանոթացել է կրթության նորարարական մոդելին, ինչպես նաև TUMO կենտրոնների ցանցի ընդլայնման ծրագրերին՝ թե՛ Հայաստանում, թե՛ արտերկրում։
Բելգիական Լյեժ քաղաքում նախատեսվում է բացել հերթական TUMO կենտրողը․ թագուհին ծանոթացել է նաև այդ նախագծին։
Թագուհի Մաթիլդան փորձարկել է TUMObile շարժական կրթական հարթակը, շփվել կենտրոնի սովորողների հետ, լսել ուսանողական խմբի երաժշտական կատարումը և այցելության ավարտին կատարել վիրտուալ շրջայց ՅՈՒՆԵՍԿՕ-ի հայկական հուշարձաններով։
