Apple-ը պաշտոնապես հայտարարել է App Store 2024 Awards մրցանակաբաշխության հաղթողներին՝ նշելով iPhone-ի, iPad-ի, Vision Pro-ի և իր էկոհամակարգի այլ սարքերի 17 լավագույն հավելվածներն ու խաղերը։
Apple-ի գործադիր տնօրեն Թիմ Քուկի խոսքով՝ մրցանակակիրները «ցուցաբերել են անհավանական հնարամտություն», նրանց հավելվածները «երկարատև ազդեցություն են ունեցել» օգտատերերի կյանքի վրա և ոգեշնչել մշակութային փոփոխություններին:
«Մենք ոգևորված ենք նշելու մշակողների այս տպավորիչ խմբին, ովքեր օգտագործում են Apple սարքերի և տեխնոլոգիայի ուժը՝ ստեղծելու փորձառություններ, որոնք հարստացնում են օգտատերերի կյանքը և մեծ ազդեցություն կունենան նրանց համայնքների վրա»,- ասել է Քուկը մրցանակաբաշխության ժամանակ։
«Տարվա հավելվածներ» անվանակարգում լավագույններ են ճանաչվել.
- iPhone-ի համար՝ Kino հավելվածը՝ Lux Optics-ից
- iPad-ի համար՝ Moises հավելվածը՝ Moises Systems-ից
- Mac-ի համար՝ Adobe Lightroom-ը՝ Adobe-ից
- Apple Vision Pro-ի համար՝ What If…? An Immersive Story հավելվածը՝ Disney-ից
- Apple Watch-ի համար՝ Lumy հավելվածը՝ Raja V-ից
- Apple TV-ի համար՝ F1 TV-ն՝ Formula One Digital Media Limited-ից
«Տարվա խաղերը» Apple սարքերի համար.
- iPhone-ի համար՝ AFK Journey-ը՝ Farlight Games-ից
- iPad-ի համար՝ Squad Busters-ը՝ Supercell-ից
- Mac-ի համար՝ Thank Goodness You’re Here!-ը՝ Panic-ից
- Apple Vision Pro-ի համար՝ THRASHER: Arcade Odyssey-ը՝ Puddle-ից
- Apple Arcade-ում՝ Balatro+ խաղը՝ Playstack Ltd.-ից
Մշակութային ազդեցության հաղթողներ (Cultural Impact Winners)
Ի հավելումն իր հարթակներում տարվա լավագույն հավելվածներն ու խաղերը ճանաչելուն, Apple-ն ընտրել է Cultural Impact-ի 6 հաղթողների 2024-ի համար: Այս հավելվածները ճանաչվում են օգտատերերի կյանքում իրենց թողած «մնայուն ազդեցության» համար:
Oko հավելվածը «համատեղում է նորարարությունն ու պարզությունը՝ օգնելու կույր կամ թույլ տեսողություն ունեցող օգտատերերին վստահորեն քայլելու քաղաքի փողոցներով»:
EF Hello-ն «ինտեգրում է ուսուցման համակարգված մոտեցում՝ աջակցելու բոլոր մակարդակների լեզու սովորողներին՝ օգնելով նրանց բարելավել իրենց հաղորդակցությունը և ավելի լավ շփվել շրջապատող աշխարհի հետ»:
DailyArt-ը «օգտատերերին կապում է տարբեր դարերի և ուղղությունների արվեստի բացառիկ ստեղծագործությունների հետ՝ խթանելով օգտատերերի ինտելեկտուալ հետաքրքրասիրությունն ու զարմանքը»:
NYT Games-ը «միավորում է ընտանիքին և ընկերներին՝ տարբեր սերունդներից, մի շարք զվարճալի և պարզ ամենօրյա խաղերի միջոցով»:
The Wreck խաղն «առաջարկում է կինոյի տեսարաններ և ինտերակտիվ պատմություններ, որոնք պատկերում են մտքի ներքին պայքարը ճգնաժամի ժամանակ»:
Do You Really Want to Know? 2-ը «ուսումնասիրում է ՄԻԱՎ-ով ապրելու նրբությունները՝ օգտատերերին առաջարկելով տեղական ռեսուրսներ և ուսումնական նյութեր ընտանիքի և ընկերների հետ շփվելու համար»:
