REMspace ստարտափը, որը մասնագիտացած է քնի և գիտակցված երազների բարելավման տեխնոլոգիաների մեջ, օգնել է երկու քնած մարդկանց հաղորդագրություններ փոխանակել միմյանց հետ (ուսումնասիրությունը դեռևս չի վերանայվել ակադեմիական հետազոտական համայնքի կողմից):
Փորձարկումն օգտագործել է «հատուկ նախագծված սարքավորում», որը ներառում է «սերվեր», «ապարատ», «Wi-Fi» և «սենսորներ», սակայն օգտագործված տեխնոլոգիայի մանրամասները չեն տրամադրել: REMspace-ն օգնել է տարբեր տներում քնած կամավորներին բառեր փոխանակել հատուկ լեզվով: Տեխնոլոգիան դեռ պետք է ուսումնասիրվի գիտնականների կողմից, բայց եթե հայտնագործությունը հաստատվի, այն լուրջ առաջընթաց կլինի քնի հետազոտության մեջ և կարող է օգտագործվել հոգեբուժության, հմտությունների ուսուցման և շատ այլ ոլորտներում, ասում է ընկերությունը:
Հաղորդագրությունը փոխանակվել է այն ժամանակ, երբ երկու սուբյեկտներն էլ գիտակցված երազի վիճակում են եղել, այսինքն՝ երազի մեջ են եղել և գիտակցել են դա։ Այս վիճակն օգնում է մարդուն երազում գիտակցված գործողություններ իրականացնել, այլ ոչ թե պատահականորեն և անվերահսկելիորեն շփվել «երազների աշխարհի» հետ: REMspace-ը չի նշել, թե ինչ տեսակի սարքավորում է օգտագործվել փորձի ժամանակ, սակայն ասել է, որ «սարքը» հետևել է փորձի մասնակիցների ուղեղի ալիքներին, իսկ «սերվերը» որոշել է մարդու անցումը գիտակցված երազի և ստեղծել հաղորդագրություններ, որոնք փոխանցվում են դեպի կամավորները։
Հայտնաբերելով, որ մասնակիցներից մեկը գիտակցված երազ է տեսել, սերվերը հատուկ լեզվից պատահական բառ է ստեղծել և ականջակալների միջոցով փոխանցել նրան: Մարդը երազում կրկնել է այդ բառը, և պատասխանը ձայնագրվել և պահպանվել է սերվերում։ Ութ րոպե անց երկրորդ մասնակիցն է մտել գիտակցված երազի վիճակ. սերվերը նրան տվել է առաջին մասնակցի հաղորդագրությունը, և նա կրկնել է այն արթնանալուց հետո: REMspace-ը կարողացել է կրկնել փորձը մեկ այլ զույգ մասնակիցների հետ, սակայն հետազոտական նախագիծը դեռ պետք է անցնի խիստ թեստավորում, նախքան կարելի լինի հստակ ասել, որ քնի մեջ հաղորդակցությունը հնարավոր է:
