Team Telecom Armenia-ն կրկին տեխնոլոգիական ամենանշանավոր միջոցառումների կողքին է՝ այս անգամ ստանձնելով WCIT2024-ի և DigiTec -ի գլխավոր տեխնոլոգիական գործընկերոջ դերը։
Հոկտեմբերի 4-ից 7-ը տեխնոլոգիական առաջատար ընկերություններն ու մասնագետները հնարավորություն կունենան մասնակցելուԿարեն Դեմիրճյանի անվան մարզահամերգային համալիրում՝ WCIT 2024-ին, իսկ Մերիդիան էքսպո կենտրոնում՝ DigiTec ցուցահանդեսին, որը կրելու է «ՄՏՔԻ ՈՒԺԸ. Արհեստական բանականություն՝ սահմաններից այն կողմ՝ էթիկայի շրջանակներում» խորագիրը։
Սեպտեմբերի 14-ին WCIT2024/DigiTec-ի կազմկոմիտեի գործադիր տնօրեն Հայկ Կարապետյանը, ԱՏՁՄ գործադիր տնօրեն Սարգիս Կարապետյանը և Team Telecom Armenia-ի գլխավոր տնօրեն Հայկ Եսայանը կնքեցին համագործակցության հուշագիր՝ ևս մեկ անգամ ընգծելով բարձր տեխնոլոգիաների ոլորտի զարգացման ռազմավարական կարևորությունը:
Լինելով տեխնոլոգիական առաջատար ընկերություն, որը մշտապես հետևում է աշխարհում տեղի ունեցող թվային փոփոխություններին, Team Telecom Armenia-ն խրախուսում է երիտասարդների շրջանում տեխնոլոգիական ոլորտի նկատմամբ հետաքրքրությունը և նպատակ ունի նպաստել հաջորդ սերնդի առաջնորդների ձևավորմանը:
Հայկ Եսայանը համոզված է, որ եթե 5 տարին մեկ Հայաստանում տեղի ունենան նմանատիպ մեծ միջոցառումներ՝ համաշխարհային դեմքերի ներկայությամբ և փորձի փոխանակմամբ, ապա Հայաստում կձևավորվի այն էկոհամակարգը, որի մասին բոլորս ենք երազում։
Ավելի մանրամասն դիտեք մեր ռեպորտաժումէ ստորև
Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար:
